កណ្តាល៖ក្រោយពីលោក ចាន់ ពិសិដ្ឋ ដែលជាម្ចាស់អាជីវកម្មសាឡង់ដឹកថ្មបានចាក់ថ្មដោយគ្មានច្បាប់ចូលទន្លេ តាមការបញ្ជារទិញពីលោក លី សុភក្តិ ដែលបានទិញដីចំណីទន្លេ ហើយបានធ្វើការចាកថ្ម ដោយគ្មានច្បាប់បង្ករ ឲ្យមានការព្រួយបារម្ភពីប្រជាពលរដ្ឋ ដោយសារបានធ្វើឲ្យស្រុតបាក់ដីរបស់ពួកគាត់ និង មានសម្លេងរំខានខ្លាំងៗធ្វើឲ្យពួកសម្រាកមិនបាន សកម្មភាពចាក់ថ្មនេះគឺនៅជាប់ព្រែពោធិ៍ ភូមិតាអុង៣ សង្កាត់ពាមឧកញ៉ាអុង ក្រុងអរិយក្សត្រ ខេត្តកណ្តាល។

ចំពោះការចាក់ធ្វើឲ្យមានការព្រួយបារម្ភខ្លាំងពីសហមគន៍ប្រជានេសាទ ដោយខ្លាចបិតមុខព្រែក ដែលពួកគាត់មិនអាចធ្វើការនេសាទបានបន្តទៀត។

បើការឲ្យពីប្រជាពលរដ្ឋបានឲ្យដឹងថា សកម្មភាពចាក់ថ្មនេះគឺធ្វើឡើង២ ទៅ៣ ថ្ងៃហើយ ដែលពេលខ្លះចាក់ពេលថ្ងៃ ពេលខ្លះទៀតចាក់ពេលយប់។ ទោះបីជាសកម្មភាពនេះត្រូវបានអាជ្ញាធរក្រុងអរិយក្សត្រ បានចុះធ្វើការហាមឃាត់ទប់ស្កាត់ មិនឲ្យធ្វើសកម្មភាពទាំងគ្មានច្បាប់យ៉ាងណាក្តី តែផលប៉ះពាល់ដល់ប្រជាពលរដ្ឋ និង ប្រជានេសាទគឺបានប្រព្រឹត្តរួចទៅហើយ ដូច្នេះតើអាជ្ញាធរ រួមទាំងជំនាញដែលពាក់ព័ន្ធ នឹង មានវិធានការ បែបណា គួរតែត្រូវកាយចេញវិញ ឬ ទុកនៅដូច្នេះ?

ជ៉ំវិញសកម្មភាពនេះប្រជាពលរដ្ឋនៅតែមានការបារម្ភពីបាក់ស្រុតដីរបស់ពីគាត់ និង ខ្លាចស្ងាត់ៗសកម្មភាពនេះ នឹង ធ្វើការចាក់បន្ថែមទៀត៕